MayoCoCo do Pháistí: Sábháilteacht
Sábháilteacht Dóiteáin
Is féidir le tine a bheith contúirteach agus ba chóir a bheith cúramach leis i gcónaí.
Sábháilteacht Dóiteáin sa bhaile
- Ná seas ar an tinteán ró-ghar don tine toisc go bhféadfadh d'éadaí dul trí thine.
- Fan amach ó chipíní lasta, lastóirí agus coinnle, agus ná fág faoi fhad láimhe páistí óga iad.
- Meabhraigh do dhaoine fásta na haláraim dheataigh a sheiceáil go rialta lena chinntiú go bhfuil na cadhnraí fós beo iontu.
- Múch agus díphlugáil fearas leictreach ar nós teilifíseán agus steiréónna nuair nach bhfuil siad in úsáid.
Aláraim Dheataigh
D’fhéadfadh aláram deataigh cuidiú leat nó tú a shábháil ar an mbás fiú dá mbeadh tine i do theach, go háirithe agus tú i do chodladh. D’fhéadfadh sé tarlú nach bhfeicfeá an tine nó nach bhfaighfeá boladh an deataigh in am chun deis éalaithe a thabhairt duit. Braitheann aláraim dhóiteáin deatach san aer. Oibríonn siad fiú mura bhfuil ann ach fíorbheagán deataigh. Nuair a bhuaileann an t-aláram deataigh ligeann sé bípeanna arda as. Má bhuaileann an t-aláram dóiteáin ba chóir duit an teach a fhágail a sciobtha agus is féidir chun tú a choinneáil slán. Is é an tsíleáil an áit is fearr le haláram dóiteáin a fheistiú.
I gcás tine:
Nuair a chloiseann tú an t-aláram dóiteáin nó nuair a fhaigheann tú boladh deataigh ba chóir duit an teach a fhágáil a sciobtha agus is féidir. Cuimhnigh go líontar an teach le deatach an-sciobtha i gcás tine. Má théann tú ar na ceithre boinn ar an urlár áfach is fearr a bheidh tú in ann feiceáil agus anáil toisc go n-éiríonn deatach. Nuair a théann tú amach fan amach agus cuir fios ar an mbriogáid dóiteáin. Ná téigh ar ais sa teach chun aon rud a fháil.
Sábháilteacht ar Bhóithre
Sa charr
- Is é an suíochán cúil an áit is sábháilte do pháiste agus iad sa charr.
- Ba chóir do gach duine crios sábhála a chaitheamh agus iad ag taisteal sa charr, agus ba chóir do pháistí faoi bhun 4 bliana d’aois srian sábháilteachta páiste a chaitheamh. Coinneoidh do chrios sábhála slán ó ghortú thú. Má fheiceann tú duine gan crios sábhála orthu, ba chóir insint dóibh é a chur orthu.
Sábháilteacht Uisce
San Uisce
- Ná téigh ag snámh i d’aonar.
- Ná téigh ag snámh i ndiaidh bia a ithe.
- Ná téigh ag snámh nuair a bhíonn tú te agus tuirseach.
- Ná snámh amach ar thóir rudaí atá imithe le sruth.
- Bí airdeallach ar chomharthaí rabhaidh.
- Fan gar don chladach agus tú ag snámh.
- Ná húsáid tochtanna aeir riamh.
- Ná fan san uisce ró-fhada.
