Corrthrádáil
Cén chaoi ar féidir liom dul i mbun trádála?
Tá se de chead ag gnóthais agus daoine aonair earraí a dhíol in áiteanna ainmnithe i Maigh Eo fad is atá Ceadúnas Corrthrádála acu ó Chomhairle Contae Mhaigh Eo.
Bíonn roinnt aonaigh ar siúl timpeall Mhaigh Eo chomh maith. Déan teagmháil le lucht eagraithe na n-aontaí seo chun páirt a ghlacadh sna margaidh seo acu.
Tabhair do d'aire: Éilíonn Comhairle Baile Chathair na Mart ceadúnas le haghaidh corrthrádáil ar bith laistigh den bhaile féin.
Más mian leat bia a ullmhú nó a dhíol, déan teagmháil le Feidhmeannacht na Seirbhíse Sláinte toisc go mb’fhéidir go mbeidh riachtais bhreise acu le comhlíonadh agat.
Tá an Garda Síochána agus oifigigh údaraithe de chuid Chomhairle Contae Mhaigh Eo araon i dteideal daoine a ionchúiseamh as ucht a bheith ag corrthrádáil gan chead.
Modh Iarratais
Ní hionann na fodhlíthe corrthrádála sna ceantracha éagsúla i Maigh Eo:
- Déan teagmháil leis an gComhairle Baile chuí má tá sé i gceist agat dul i mbun trádála i mBéal an Átha, Caisleán an Bharraigh nó Cathair na Mart.
- Chun dul i mbun trádála i gClár Chlainne Mhuiris, ní mór an fhoirm iarratais ar cheadúnas corrthrádála a líonadh amach agus í a chur faoi bhráid Oifig Ceantair Chlár Chlainne Mhuiris. Tabhair do d'aire: Ba cheart do dhaoine na Fodhlíthe Corrthrádála le haghaidh Chlár Chlainne Mhuiris a léamh má bhíonn sé i gceist acu dul i mbun trádála sa bhaile sin.
- Chun dul i mbun trádála in Acaill nó ar thránna i gceantar Bhéal an Mhuirthead, ní mór an fhoirm iarratais ar cheadúnas corrthrádála a líonadh amach agus a chur faoi bhráid Oifig Ceantair Bhéal an Mhuirthead.
- Chun dul i mbun trádála ar thránna timpeall Chathair na Mart nó Chluain Cearbán, ní mór an fhoirm iarratais ar cheadúnas corrthrádála a líonadh amach agus í a chur faoi bhráid Oifig Chathartha Chathair na Mart.
- Chun dul i mbun trádála ar Thrá an Rois, ní mór an fhoirm iarratais ar cheadúnas corrthrádála a líonadh amach agus í a chur faoi bhráid Oifig Ceantair Bhéal an Átha.