Mótarcháin
An Rannóg Mótarchánach
Fáilte chuig an Rannóg Mótarchánach de chuid Chomhairle Contae Mhaigh Eo.
I measc na gcúraimí atá ar an Rannóg Mótarchánach tá:
- Dioscaí mótarchánach a eisiúint,
- Ceadúnais tiomána a eisiúint,
- Deimhnithe ar ródacmhainneacht d’feithiclí nó leantóirí tráchtála a eisiúint,
- Athchóipeanna de cheadúnais tiomána, leabhair cláraithe feithicle, deimhnithe ceadúnaithe feithicle, dioscaí, agus deimhnithe ar ródacmhainneacht a eisiúint,
- Plátaí trádála a eisiúint do thrádálaithe gluaisteán,
- Leantóirí earraí ar mó ná 1524kg a meáchan (3,500 kg Ollmheáchan Feithicle) neamhualaithe a cheadúnú den chéad uair,
- Garáistí a cheapadh ina dtástálaithe ceadaithe d'fheithiclí tráchtála,
- Droichid mheáite údaraithe a cheapadh,
- Athruithe ar úinéireacht feithiclí a cláraíodh roimh 1 Eanáir 1993 a phróiseáil.
Tabhair faoi deara nach féidir bearta thar an gcuntar a dhéanamh ach in
Oifig Mótarchánach an chontae ina gcoinnítear an fheithicil de ghnáth. Caithfear
iarratais tríd an bpost a sheoladh chuig Oifig Mótarchánach an chontae ina
gcoinnítear an fheithicil de ghnáth comh maith.
Is í an Rannóg Seirbhísí Ríomhairí um Cheadúnú Tiománaithe agus Feithiclí, Sionainn,
Co. an Chláir, a dhéileálann le hathruithe úinéireachta feithiclí a cláraíodh i
ndiaidh 1 Eanáir 1993. (Teil: 061 365000 nó Íosghlao 1890 411 412.) Ríomhphost:
motortax@environ.ie
Ceadúnais Leantóra
Ní mór ceadúnas a fháil ón Oifig Mótarchánach le haghaigh leantóirí agus leathleantóirí iompórtáilte atá breis is 3,500 kg meáchan ualaithe (arb ionann agus 1½ tonna meáchan neamhualaithe) a úsáidtear i gcomhair iompar earraí.
Is iad a leanas na foirmeacha atá de dhíth lena gclárú agus le cáin a íoc orthu:
- TF100 – a úsáidtear chun leantóirí nó leathleantóirí a chlárú agus a cheadú.
- TF200 – a úsáidtear chun athrú úinéireachta a chlárú.
- T300 – teastas deimhnithe meáchain do leantóir nó leathleantóir.
Chun ceadúnas a fháil den chéad uair, beidh na nithe a leanas de dhíth ort:
- Foirm Iarratais TF100
- Teastas Deimhnithe Meáchain TF300
- Táille €60
Chun Ceadúnas Leantóra a athnuachan:
- Foirm Iarratais TF100
- Cárta Ceadúnais TF5
- Deimhniú ar Ródacmhainneacht
- Teastas Deimhnithe Meáchain TF300 má athraíodh meáchan an leantóra ón uair dheiridh a fuarthas ceadúnas.
- Níl aon táille i gceist.
Chun athrú sonraí, seoladh san áireamh, a chur in iúl, beidh na nithe a leanas de dhíth:
- Foirm Iarratais TF100
- Cárta Ceadúnais TF5
Chun díolachán an leantóra a chur in iúl, beidh na nithe a leanas de dhíth ort:
- Foirm Fógartha Aistrithe TF200
- Cárta Ceadúnais TF5, leagtha isteach ag an úinéar nua.
Le briseadh, scriosadh nó easpórtáil leantóra a chur in iúl, beidh na nithe a leanas de dhíth ort:
- Fógra scríofa briste / scriosta / easpórtála
- Cárta Ceadúnais TF5 a ghéilleadh